المؤتمرنت -
غادة عبد الرازق:باسم يوسف غيران من السيسي والفريق خط أحمر
شنت الفنانة المصرية غادة عبد الرازق، هجومًا عنيفًا على الإعلامي الساخر باسم يوسف، وذلك عقب إذاعة أولى حلقات البرنامج في موسمه الجديد، بعدما انتقد "باسم" اطلالتها الرمضانية في برنامج "أنا والعسل"، بالإضافة إلى الفريق السيسي والرئيس المؤقت عدلي منصور ومجموعة من الإعلاميين العرب منهم لميس الحديد ومحمود سعد وهالة سرحان وغيرهم.

واتهمت "عبد الرازق" باسم يوسف بالغيرة من قائد القوات المسلحة عبد الفتاح السيسي قائلة: "باسم يوسف واضح إنك غيران من الفريق السيسي لأنه سرق منك المشهد وقلب المصريين واضح اوى اقولك هارد".

وتابعت: "كان عندنا أمل إنك تبقى فاهم الديمقراطية بس للأسف طلعت مش فاهم حاجة خالص يا خسارة كنا بنحبك، مش مهم أنا المهم الفريق الى نجدنا من الخراب الى كنا عايشين فيه هو عمل اية لمصر برنامج للا سف كنت بحبه بس عمرى ما هحبه أكتر من جيشي.
وأضافت: لو سكتنا المرة دي المرة إلى جايه هيتمسخر على الجيش المصرى يا مصريين يا محترمين الراجل إلى وقف فى وش أمريكا وعملنا كرامه لأول مره في تاريخنا، وياترى اوباما دلوقتي بتفرج على الحلقة وبيضحك ولا باسم بيرد الجميل لأمريكا علشان الجايزة إلى ادوهالو، قولتلكم مليون مرة مش علشانًي انا مش مهم ده بيحصل معانا دايما ومتعودين عليه أنا بتكلم على شيء واحد وهو خط احمر "الجيش المصري".
وحذرت "عبد الرازق"، من المساس بقائد الجيش معتبرة أنه خط أحمر قائلة: "غادة عبد الرازق لا تعني شيء لكن الفريق خط احمر لا يجوز المساس به مطلقًا ده مش بيلعب مع غاده وباسم".
وتابعت: "يلا يا عملا للامريكان وقطر واسرائيل من هنا ورايح لو انتو فكرينا هنسكت مش هنسكت مش كفايه الناس الى ماتت بسببكم يا عملاء، طبعا الطابور الخامس ابتدى بالبرادعى ودلوقتى باسم يوسف بس ده فى الحلم مصر هى الجيش المصرى يا خونه، عايزين تدخلونا تانى فى نفق مظلم مش هيحصل ابدا كنتو فين يا خونه فى الايام السوده الى عاشتها مصر من تحت راسكم فلحين بس تطلعو في البرامج".

وحسب صحيفة المصري اليوم فقد ختمت "عبد الرازق" متهمة الدكتور باسم يوسف بالفشل قائلة: "دكتور فشل فى مهنته وراح يشتغل مذيع وياخد ملايين اسالوه بياخد كام البيه".
جدير بالذكر أن باسم يوسف عاد بـ "البرنامج" إلى الشاشة مساء امس الجمعة بعد غياب لاكثر من ثلاثة اشهر وقد نجح في اثارة الجدل من الحلقة الأولى.