المؤتمرنت -
عمرو اديب يفتح النار على محمد رمضان
شن الإعلامي المصري عمرو أديب هجوما عنيفا علي الفنان محمد رمضان وذلك بعد أن ظهر في أحد المقاطع المصورة عبر حسابه علي إنستقرام وهو يقوم بالقاء الكثير من المبالغ المالية وهو داخل حوض السباحة الخاص به،
وأرجع عمرو أديب ظرح هذا المقطع للرد علي قضية الطيار أبو اليسر الذي حكمت له المحكمة بتعويض 6 ملايين جنيها من محمد رمضان بعد أن تسبب في فصله من عمله بعد ان نشر صورته وهو داخل الكابينة الخاصة بالطيار، وظن البعض أنه يقود الطائرة.
وفتح عمرو أديب النار علي محمد رمضان وقال " يابني أرجع لعقلك وبلاش غرور ، ليه تستفز الناس وتكره الناس فيك، وأيه المشكلة انك تعتذر، ولو انت معاك فلوس كتير ومش عايزها اتبرع بيها في ناس كتير محتاجة الفلوس دي، انت مش واخد بالك انت بتبقى تريند أزاي، والناس ال انت بتستفزها دي هي ال عملتك، لان جزء كبير منك صناعة سوشيال ميديا، وال كنا فاكرينه موسى طلع فرعون، أركب طيارات وعربيات بس بلاش تستفز الناس خاصة انك في بلد فيها شعب محتاج للفلوس بشكل كبير الي اداك فلوس قادر يسحبها منك"
وانهى عمرو أديب تعليقه قائلا " انا مش عايز منك حاجه ومش بنافسك علشان ميتقالش ان بحاول ابوظلك مسلسلك، شوف اخوك خالد النبوي لما الناس عرفت انه تعبان شوية الناس كلها كانت عايزه تطمن عليه، لازم الفنان يبقى مثقف شوية يا محمد".
| 
2003-2025 